ФК Тетекс со шест нови играчи ќе го почне првенството во сабота

Тетовскиот фудбалски второлигаш Тетекс во текот на досегашниот тек од летниот преоден рок во екипата донесе шест нови фудбалери.  Од клубот заминаа двајца фудбалери. Новото првенството во Втората лига Тетекс ќе го почне во сабота (15 август) со гостување на Македонија Ѓорче Петров. 

-Екипата е освежена со неколку нови играчи со што ќе се зголеми конкуренцијата во тимот. Нови играчи се Давид Љушев (Кожуф), Никола Ристоски (Вардар), Павел Грбевски (Вардар), Рамин Алиу (Арсими), Алтин Мурати (Арсими), Алтин Зибери (Шкупи). Во подготвителниот период одигравме шест пријателски натпревари каде играчите добија шанса да се наметнат во екипата и се надевам дека спремни ќе бидеме за првенствените натпревари, информираше Марјан Билбиловски, шеф на стручен штаб. 

Од Тетекс во нови среднини заминаа Марко Стојчевски во Еуромилк, Матеј Јордановски во Македонија Ѓорче Петров и Амар Хаџибулиќ во Работнички.