Сериозна криза во Полска, претседателот наредил свртување на авионот: Мораме да се вратиме назад

Полскиот претседател Карол Навроцки денеска нареди авионот со кој патувал за Сенегал да сврти и да се врати назад, откако добил вест дека полицијата влезе во просториите на највисокиот суд во Полска, а претседателот на судот е суспендиран.

„Во ваков момент, претседателот мора да биде во Полска. Ја прекинувам посетата на Сенегал и се враќам“, објави тој на социјалната мрежа X.

Полицијата објави дека нејзините полицајци влегле во просториите на Уставниот суд по инцидентите пред зградата, вклучително и фрлањето опасни предмети кон полицајците. Уставниот суд објави на својата веб-страница дека неговиот претседател Богдан Швјенчковски е суспендиран во петокот.

Народ се собира пред Уставниот суд

Полска има две политички страни во овој сериозен судир:

Доналд Туск – премиер.
Карол Навроцки – претседател на Полска, политички близок до партија ПиС (Право и правда) – партијата која владееше од 2015 до 2023 година и сега е во опозиција.

Спорот е околу тоа кој има легитимитет да ги именува судиите и кој ја контролира работата на Уставниот суд.

Владата на Туск тврди дека претходната власт го политизирала судството и дека мора да се врати владеењето на правото.

Од другата страна, ПиС и претседателот тврдат дека Тусковата влада ги прекршува институционалните правила.

Зошто полицијата влезе во Уставниот суд?

На 30 октомври:

Полицијата влезе во просториите на Уставниот суд во Варшава.
Претседателот на судот, Богдан Швјенчковски, беше суспендиран од функцијата.
Министерот за правда побара укинување на неговиот имунитет и имунитетот на неговиот заменик.
Поддржувачи на ПиС се собраа пред судот, а имаше и судири со полицијата.
Самиот Уставен суд го нарече потегот „државен удар“ (coup d’état), додека Туск го брани како неопходен чекор за враќање на правниот поредок.

Карол Навроцки бил на пат кон Сенегал, но по случувањата во Варшава одлучил да го прекине патувањето и да се врати во Полска.