Пулишиќ останува во Милан до 2031

Американскиот напаѓач Кристијан Пулишиќ го продолжи договорот со италијанскиот клуб Милан, до 2031 година, објави вечерва калчолигашот.
Дваесетиосумгодишниот Пулишиќ настапуваше за Борусија Дортмунд и Челзи пред да му се приклучи на Милан во 2023 година. На 141 натпревари за „росонерите“ досега постигна 44 голови, завршувајќи ја сезоната 2024/25 како најдобар стрелец на тимот.
„Милан ми даде сè и тука се чувствувам како дома. Вљубен сум во овој клуб“, изјави американскиот репрезентативец.
Пулишиќ играше на две светски првенства со репрезентацијата на САД и четири пати беше прогласен за американски фудбалер на годината.