ЕУ ја продолжува својата мисија во Украина за две години, објави Каја Калас

Советот на ЕУ донесе денеска одлука за продолжување на мисијата во Украина за две години, изјави европската висока претставничка за надворешна политика и безбедност Каја Калас по седница на европските министри за одбрана во Брисел. Таа додаде дека учесниците на средбата ги разгледале можностите за дополнителна поддршка за украинската страна и за проширување на военото производство.

Европа треба побрзо да се вооружи дополнително за да ги постави целите до 2030 година, и поради тоа е потребна решителна промена во големината на одбранбените вложувања и во способностите за производство, изјави таа.

Калас посочи дека противракетната одбрана останува главна задача во помошта за Киев и државите од ЕУ разгледуваат дали да и достават на Украина свои ракети Патриот со кои располагаат и потоа да порачаат нови испораки со средства од заемот за украинската страна.

Та вели дека неопходно е ЕУ да преземе дополнителни дејствија против руските саботажи и дека Русија нема никаква желба за постигнување мир во Украина.