Барселона планира да организира настан во чест на Меси откако ќе завршат работите на „Камп Ноу“

Претседателот на Барселона, Жоан Лапорта, ги објави плановите на клубот да организира настан во чест на поранешниот напаѓач Лионел Меси откако ќе завршат работите на стадионот „Камп Ноу“.

Аргентинецот играше за „Каталонците“ од 2003 до 2021 година. Тој со Барселона освои 10 титули во Шпанија и четири титули во Лигата на шампионите.

-Планираме да организираме настан во чест на Меси штом ќе завршат работите на стадионот „Камп Ноу“. Тоа ќе биде почит. Се надеваме дека ќе го завршиме реновирањето до почетокот на 2028 година, рече Лапорта во интервјуто за Фабрицио Романо.

На крајот на август, Меси го објави своето повлекување од репрезентацијата на Аргентина. Во септември беше повикан во репрезентацијата за проштален натпревар.

На клупско ниво, Меси игра за Интер Мајами од 2023 година. Тој играше и за Пари Сен-Жермен.