Пулишиќ: Повеќето од американските фудбалери ќе влезат на Светското првенство многу порелаксирано

Фудбалерот од средниот ред на американската репрезентација, Кристијан Пулишиќ, ги сподели своите очекувања за Светското првенство  2026. 

Дваесет и седумгодишниот фудбалер на Милан е оптимист во пресрет на Мундијалот на домашен терен.

-Момците едноставно имаат многу повеќе искуство на клупско ниво, на меѓународно ниво. Минувањето низ тоа Светско првенство како тим, имањето навистина добри настапи, поминување на групата, а потоа претрпување тежок пораз од голем тим – сето тоа ви помага да растете. Сето тоа ви помага да учите.
Повеќето од момците ќе влезат на ова Светско првенство многу порелаксирано, подготвени за тие големи моменти. Секој натпревар и секој голем момент се чувствува малку полесно и се чувствувате малку поудобно влегувајќи во него, изјави Пулишиќ за „АП“.

Националната репрезентација на САД ќе игра во групата Д против Парагвај, Австралија и Турција.

На Светското првенство во 2022 година, американската репрезентација загуби од Холандија (1:3) во осминафиналето.