Алексис Санчез од Удинезе во Севиља

Напаѓачот на Удинезе, Алексис Санчез, ќе ја смени клупската средина и ќе му се приклучи на шпанскиот прволигаш Севиља, објави денеска весникот АС.

Триесетишестгодишниот Чилеанец ќе потпише едногодишен договор со андалузискиот тим, откако денеска ќе ги мине задолжителните медицински прегледи.

Санчез го напушта својот досегашен клуб Удинезе без обесштетување.

Санчез одигра 13 натпревари во Серија А во сезоната 2024/25 и не постигна гол.

Откако последен пат настапи во Ла Лига за Барселона во 2014 година, Санчез смени различни клубови во три големи европски лиги. Неговата кариера вклучуваше периоди во Арсенал, Манчестер Јунајтед, Интер (двапати), Марсеј и Удинезе.