Бетис го бара Онана на позајмица

Бетис е заинтересиран да го добие на позајмица голманот на Манчестер јунајтед, Андре Онана, објавија шпанските медиуми.

За евентуален договор во врска со 29-годишниот Камерунец, двата клуба веќе стапиле во контакт. Претходно, страните беа во контакт во врска со евентуалното враќање на бразилскиот напаѓач на Манчестер јунајтед, Антони.

Во сезоната 2024/25, Онана одигра 50 натпревари за Манчестер јунајтед, прими 65 гола и 11 пати ја зачува мрежата чиста. Неговиот договор е со важност до 30 јуни 2028 година.

„Transfermarkt“ ја проценува вредноста на голманот на 25 милиони евра.