Гвардиола: Се надевам дека ќе ги убедиме организаторите дека Гехи може да игра во финалето на Лига купот

Тренерот на Манчестер сити, Хозеп Гвардиола, го коментираше триумфот од 3:1 над Њукасл во реваншот од полуфиналето на англискиот Лига куп.

– Се надевам дека ќе пристапиме кон финалето во март во добра форма за да се соочиме со посебен, врвен тим. Се радувам на тоа. Тоа е сè. Денешниот натпревар го започнавме во вистинско темпо, со вистински моментум и сè беше многу добро. Се надевам дека ќе можеме да ги убедиме организаторите на Лига купот дека Марк Гехи може да игра во финалето, бидејќи е тешко да се утврди. Клубот инвестираше многу во еден играч. Тој е наш и не разбирам зошто не може да игра во финалето. Се надевам дека ќе можат да го променат тоа, изјави Гвардиола за „BBC“.

Официјално на 19 јануари централниот дефанзивец на Кристал Палас и англиската репрезентација, Марк Гехи направи трансфер во Сити, дебитира во Премиер лигата, но се уште нема дозвола за настап во Лига купот.

Манчестер сити ќе се соочи со Арсенал во финалето. Натпреварот ќе се одржи на 22 март, на стадионот Вембли во Лондон.