Австралискиот премиер предлага построги закони за оружје по масовното убиство на плажата Бонди

Австралискиот премиер Ентони Албанезе денеска предложи построги национални закони за оружје по нападот со оружје за време на прославата на еврејскиот празник Ханука на плажата Бонди во Сиднеј, во кој во недела беа убиени 16 лица.

Албанезе рече дека ќе предложи нови ограничувања, вклучително и ограничување на бројот на оружје што може да го добие лиценциран сопственик.

Неговите предлози беа објавени откако властите открија дека постариот од двајцата напаѓачи, татко и син. легално ги набавил своите шест оружја.

„Владата е подготвена да преземе какви било мерки што се неопходни. Ова ја вклучува потребата од построги закони за оружје. Луѓето можат да се радикализираат со текот на времето. Дозволите не треба да бидат вечни“, рече австралискиот премиер.

Најмалку 38 лица беа повредени и однесени во болници по вчерашниот масакр, кога две вооружени лица отворија неселективен оган на забава на плажа.

Меѓу убиените се и десетгодишно девојче, рабин и преживеан од Холокаустот.

Нападот, што се смета за терористички напад, ги вознемири Австралијанците и покрена прашања за тоа дали властите направиле доволно за да го спречат растечкиот антисемитизам.