Тренерот Обрадовиќ замина од КК Партизан

Раководството на КК Партизан соопшти дека Жељко Обрадовиќ повеќе не е тренер на „црно-белите“. Неизвесноста е прекината, а денеска се појавија и вести дека управата му понудила на тренерот максимална слобода, но тој наводно останал на својата одлука за заминување.

Според српските медиуми Обрадовиќ во текот на денешниот ден ја испразнил и канцеларијата во Белградска Арена, а притоа како надополнување беше објавено дека тој и од здравствени причини се решил на ваков чекор.

Во секој случај трофејниот тренер во секој момент имаше максимална поддршка од навивачите на Партизан.

Управата на клубот за следната недела најави состанок за избор на нов спортски директор по заминувањето на Зоран Савиќ и за избор на нов тренер.