Општини
И денеска едночасовна блокада на сообраќајот кај двојниот мост во Кочани
Родителите на починатите во пожарот во дискотеката „Пулс“ во Кочани и денеска го блокираа булеварот „Стево Теодосиевски“, непосредно пред двојниот мост. Оваа локација е клучна крстосница во градот. Остануваат на ветеното – блокирање на сообраќајот се до започнување на судскиот процес.
– Секое одложување на процесот за нас е нож во веќе отворена рана. Се надеваме дека институциите ќе се разбудат, дека совеста ќе проговори, дека нема да има одолговлекувања, им порача на судиите што го работат случајот со пожарот во кочанската дискотека, мајката на починатиот Андреј Стојанов.
Револтот на родителите што ги загубија најмилите во мартовската несреќа во Кочани, како што тие велат, е резултат на изјави на адвокати на обвинети според кои самото судење може да трае и 15 години.
Вчера и денеска блокадата започна во 15:15 и трае до 16:15 часот.
октомври 14, 2025
Мицкоски: Вистинскиот ефект од однесувањето на СДСМ и Филипче, ќе се види во недела
Колев: Изградба на нов мост кај Башино Село, обиколница за Велес, завршување со изградба на подземната катна гаража и еколошка обнова на езерото Младост
Мицкоски до Филипче: Во Струмица ли најде да зборуваш за морал, додека во прв ред беше Заев кој ја распродаде Македонија
