Мареска: Мармуш мора сам да одлучи за неговата иднина во Сити

Тренерот на Манчестер сити, Енцо Мареска, инсистира напаѓачот Омар Мармуш сам да одлучи за својата иднина со тимот.

– Одговорот треба да биде сличен на оној што го дадов за Џејмс Трафорд. Играчите работат секој ден, сакаат да играат, па кога не играат, не се среќни. Омар не играше многу минатата година, па затоа неговата желба е веројатно да игра повеќе минути. Тоа не значи дека нема да игра повеќе тука, но тоа е и негова одлука и тој мора да одлучи, изјави Мареска за британските медиуми.

Дваесет и седумгодишниот Египќанец има започнато 22 натпревари за Сити и има уште 15 настапи како замена откако се приклучи од Ајнтрахт Франкфурт во јануари 2025 година. Тој има осум гола и три асистенции.

Договорот на Мармуш со Манчестер сити важи до 30 јуни 2029 година.