Алегри по поразот на Наполи од Порто: Ни снема енергија

Тренерот на Наполи, Масимилијано Алегри, даде свое објаснување за поразот од 4:1 од Порто синоќа на гостински терен во рамките на 4. коло од Лигата на шампионите.

– Направивме грешки во два прекина. Според мене тимот одигра добар натпревар до 70. минута. Беше агресивен натпревар, игравме еден на еден, но потоа го примивме вториот гол по одбиена топка и, поради замор, немавме време да се движиме напред за да создадеме стапица за офсајд.
Ова се грешки што, за жал, се случуваат кога сте уморни. Темпото во Лигата на шампионите е високо, а ние се мачевме во тие последни минути. Порто двапати ја погодија пречката непосредно пред голот и доста лесно нè поминаа.
Имаме натпревар против Лацио в недела и треба да се освежиме бидејќи ги имаме само овие играчи. Натпреварите се добиваат и губат на детали, не на големи работи. Моите фудбалери се бореа индивидуално колку што можеше подолго, но потоа ни снема гориво, изјави Алегри за „Скај Спорт“.

Наполи (3 бода од 4 натпревари) е на 27. место во поредокот во Лигата на шампионите.