Средба на министрите Андоновски и Клековски за приоритетите за пациентите, граѓаните и компаниите

Министрите за дигитална трансформација и за здравство, Стефан Андоновски и Сашо Клековски, денеска реализирале работна средба на која се разговарало за пациентите, граѓаните и за компаниите во државата.

– Понеделничка брза работна средба со почитуваниот министер за здравство Сашо Клековски. Дефинирани приоритети во рамките на нашата соработка, фокус на резултатите за пациентите, граѓаните и компаниите за поефикасна работа на администрацијата – напиша Андоновски на „Фејсбук“.

Клековски информира дека на средбата станало збор за стратегијата за дигитално здравство, забрзување на тековните проекти, пред сè, „Е-бебе“, почеток на дигитализацијата на услугите на Министерството за здравство.

– Дигитализацијата не е цел сама по себе. Таа е услов за продуктивност – помалку време на шалтер и во администрација, повеќе време за пациентот. И за транспарентност – постапка која е електронска е и следлива. Му благодарам на министерот Андоновски за соработката. Продолжуваме со конкретни чекори – напиша Клековски на „Фејсбук“.