Родри за евентуалното одземање на титулата на Манчестер сити: Никој не може да ни го одземе она што сме го постигнале

Фудбалерот за врска, Родри ја коментираше веста дека на Манчестер сити може да му бидат одземени титулите поради прекршување на финансиските прописи на Премиер лигата.

– Клубот отсекогаш нè уверувал дека не направил никакво кривично дело и ние им веруваме. Додека не се докаже спротивното, ќе продолжиме да му веруваме на клубот. Бев дел од Манчестер сити и знам како функционираат и како водат бизнис. Никој не може да ни го одземе она што сме го постигнале. Овие достигнувања не можат да се купат со пари. Тие се резултат на напорна работа, тимско единство и тоа што сме тука еден за друг секој ден, изјави Родри во интервјуто со новинарот Фабрицио Романо.

На 25 септември, новинарот Дејвид Орнштајн објави дека независна комисија го прогласила Манчестер сити за виновен по 114 од 115 точки од обвинението за прекршување на финансиските прописи на Премиер лигата. Истрагата ги опфати активностите на клубот од 2009 до 2018 година.