Две пријави за пукање при семејни веселби на скопската територија

Две пријави за пукање при семејни веселби биле евидентирани во текот на вчерашниот ден.

Како што денеска информираа од Министерството за внатрешни работи, станувало збор за прослави на скопската територија.

– Вчера во 14:50 часот во СВР – Скопје е пријавено дека околу 12 часот во двор од куќа во скопско Сарај, сопственост на Н.С., на возраст од 62 години, за време на семејна прослава, имало пукање со огнено оружје. Полициски службеници од СВР – Скопје излегле на местото на настанот и пронашле 23 испукани чаури од огнено оружје, кои се подигнати за понатамошна постапка – појаснија од МВР.

За настанот бил известен јавен обвинител и како што додадоа од МВР, се преземаат мерки за расчистување на случајот.

Подоцна, во 22:40 часот во скопско Бојане, полициски службеници од СВР – Скопје го привеле 35-годишниот М.Д., по претходна пријава дека за време на семејна веселба, пукал со гасен пиштол.

– По целосно документирање на случајот, ќе следува соодветен поднесок – додадоа од МВР.