Голманот на Мексико по шести пат ќе биде учесник на Светско првенство

Селекторот на фудбалската репрезентација на Мексико Хавиер Агире го објави конечниот список на фудбалери (26) на кои ќе смета за претстојното Светско првенство.

На списокот на повикани играчи е и легендарниот голман Гиљермо Очоа (40 години) за кого ова треба да биде шесто учество на Светските првенства. Мексико можно е да го има и најмладиот играч на шампионатот Хилберто Мора (17 години), кој веќе има одиграно седум натпревари за Мексико.

Селекцијата на Мексико е еден од ко-домаќините на Мундијалот и се наоѓа во групата А заедно со Јужна Африка, Јужна Кореја и Чешка. Светското првенство ќе стартува со натпреварот Мексико – Јужна Африка исто како и Мундијалот во 2010 година.