Ракометарите на Фуксе Берлин први учесници на Ф4 во Келн

Ракометарите на Фуксе Берлин први обезбедија пласман на завршниот турнир во Лигата на шампионите откако во реванш четвртфиналето на домашен терен по изведување пенали го победија Веспрем – 35:33. Во регуларниот дел резултатот беше 31:30, а унгарскиот тим победи на првиот дуел 35:34 и вкупниот резултат беше 66:66.

Голманот на Берлин, поранешниот „вардарец“ Дејан Милосављев одбрани два седмерци, а голот за победа го постигна Матијас Гидсел.

Инаку, Берлин во првото полувреме водеше со 17:11, а гостите намалија на 17:15 и во завршницата стигнаа до 29:29 (57.минута).

Во тек се дуелите Алборг – Спортинг (31:31 на првиот натпревар) и Барселона – Нант (32:30 за Барселона во првиот натпревар).

Утре се игра последното четвртфинале меѓу Магдебург и ПИК Сегед (35:28 за Магдебург).