Келдон Џонсон е прогласен за шести играч на годината во НБА за сезоната 2025/26

Кошаркарот на Сан Антонио спарс, Келдон Џонсон, е прогласен за шести играч на годината за регуларниот дел од НБА-сезоната 2025/26.

Келдон Џонсон беше клучен адут од клупата за Сан Антонио оваа сезона. Тој играше во сите 82 натпревари, сите влегувајќи од клупата, подвиг што го постигна само еден друг НБА-играч во последната деценија. Тој, исто така, стана првиот играч во историјата на Спарс кој постигнал повеќе од 1.000 поени во една сезона како резерва. Токму поради тоа, ја доби наградата за шести најдобар играч во сезоната, а со тоа му се придружи на Ману Џинобили, единствениот играч на Спарс кој ја освои наградата во 2008 година.

Ова е првата индивидуална награда во НБА за Џонсон, кој беше и член на тимот на САД, кој освои злато на Олимписките игри во Токио во 2021 година.

Останатите финалисти за наградата беа Хаиме Жакес јуниор од Мајами и Тим Хардавеј јуниор од Денвер.