Фудбал
Гвардиола ќе пропушти два натпревара поради суспензија
Тренерот на Манчестер сити, Хозеп Гвардиола, ќе ги пропушти следните два натпревара на тимот поради суспензија.
Педесет и двегодишниот тренер вчеравечер го доби својот шести жолт картон оваа сезона во осминафиналето на ФА Купот против Њукасл (1:3).
Шпанецот нема да може да го води тимот на натпреварот од 30. коло од англиската Премиер лига против Вест Хем (14 март), како и за четвртфиналето од ФА Купот.
Сепак, суспензијата нема да влијае на финалето на англискиот Лига Куп, каде што „Граѓаните“ ќе се соочат со Арсенал на 22 март.
Манчестер сити е втор на табелата во англиската Премиер лига со 50 бода.
март 8, 2026
