ЗОИ 2026: Клебо доминантно до златото во машкиот крос-кантри спринт

Норвешкиот скијач Јоханес Клебо освои олимписко злато во крос-кантри спринтот на Игрите во Италија. Клебо 1,6 км. ги мина со време 3:39,74 минути.

Ова е втората победа на Норвежанецот на Олимписките игри во 2026 година. На 8 февруари, Клебо освои злато во скијатлон.

Американецот Бен Огден (+0,87 секунди) го освои второто место во спринтот, додека Норвежанецот Оскар Опстад Вике (+6,81) го освои третото место.

Дваесет и деветгодишниот Клебо стана седумкратен олимписки шампион, додека Огден и Вике за прв пат освоија медал на Олимписки игри.

Резултати во финалето: 
1. Јоханес Клебо (Норвешка) — 3:39,74 минути
2. Бен Огден (САД) — +0,87 секунди
3. Оскар Општад Вике (Норвешка) — +6,81
4. Лаури Вуоринен (Финска) — +11,65
5. Јиржи Туз (Чешка) — +18,54
6. Ерик Валнес (Норвешка) — +34,84.

Во квалификациите на оваа дисциплина претпладне настапи Македонецот Ставре Јада. Тој го освои 89.место во конкуренција на 94 натпреварувачи.