Кошаркарите на Монако се подготвуваат за штрајк, ќе играат јуниорите

Кошаркарите на Монако се во тежок период од сезоната, како за нив така и за клубот. Се бара нов сопственик на клубот, а Кнежевството го презема раководењето на клубот. Сето тоа се одразува и на резултатите на екипата на Василис Спанулис, која има серија од пет порази во Евролигата и пад на табелата.

Пред неколку кола Монако беше лидер што можеби беше и разбирливо бидејќи клубот е составен од низа кошаркарски ѕвезди, а во сегашните околности се во „слободен пад“.

Последните информации се дека играчите едноставно не сакаат да играат односно најавија и штрајк на натпревар од француското првенство, доколку не им бидат исплатени дел од средствата што клубот им ги должи.

Тоа е еден од условите да продолжат да играат.

Ако не се појават играчите од првиот тим, на теренот ќе се појават јуниорите.

Не е познато колку им се должи на играчите, кои главно се милионери, а сега се решаваат на ваков радикален потег кога се играат едни од клучните натпревари во сезоната.

Монако во Евролигата се наоѓа на 10.место со серија од пет порази.