Објавен идеалниот тим на НБА купот

НБА лигата ја објави синоќа идеалната петорка на неодамна завршеното куп натпреварување во кое триумфираа кошаркарите на Њујорк.

Во идеалниот тим на НБА купот се најдоа кошаркарите на Њујорк, Џејлен Брансон и Карл-Ентони Таунс, Дирон Фокс од Сан Антонио, словенечкиот репрезентативец и член на Лос Анџелес Лејкерс, Лука Дончиќ, како и играчот на Оклахома Сити Шеј Гилџес-Александер.

Идеалниот тим беше избран од медиумски панел составен од 20 гласачи, врз основа на перформансите на играчите во групната и нокаут фазата од натпреварувањето.

Во финалето на НБА купот кое се одигра ноќта меѓу вторникот и среда во Лас Вегас, кошаркарите на Њујорк го совладаа Сан Антонио со 124:113, освојувајќи го првиот трофеј од 1973 година.