Документарна серија за убиството на Џон Ленон: „Погоден сум!“ е последното што го кажал

Последните изговорени зборови на Џон Ленон пред неговото убиство во 1980 година се откриени во новата документарна серија на „Џон Ленон: Убиство без судење“. 

Според документарецот, пред да се сруши на земја Ленон извикал: Погоден сум! 

Мини серијата во три дела, во која наратор е глумецот Кифер Сатерленд, првпат се емитуваше на платформата во текот на овој месец. Од компанијата  „Епл“ најавуваат дека документарната серија многу добро го прикажува животот, убиството и истрагата против Марк Дејвид Чепмен, убиецот на Ленон.

Многу ликови кои се појавуваат во документарната серија биле случајни сведоци на убиството. Еден од нив бил и таксистот Ричард Питерсон кој сведочи:

– Ленон влегуваше, и едно момче дојде кај мене и рече: „Џон Ленон“. Гледав низ предното стакло на возилото и сфатив дека тој го застрела. Мислев дека снимаат филм, но немаше светла, немаше камери… веднаш разбрав: Ова не е филм.

Серијата ветува „најтемелно испитување“ на убиството досега, велат од продукцијата. За серијата се обезбедени одобренија од Полициската управа на Њујорк, Одборот за условен отпуст и Окружниот обвинител.