Почнаа градежни активности за отварање на Ургентен центар во штипската Клиничка болница

Почнаа градежните активности за адаптација на просторот на Клиничка болница-Штип, каде што од септември ќе се отвори Ургентниот центар. Заради овие активности сите пациенти и услуги адекватно ќе се третираат со најавување и закажување на телефонот во дежурната амбуланта. 

-Ве известуваме дека поради реконструкција и изведување на градежни активности во делот од ЈЗУ Клиничка болница -Штип ,каде што е планиран  Ургентниот центар во наредните два месеци додека траат градежните активности ,сите пациенти и услуги  адекватно ќе се третираат  со претходно најавување и  закажување на службениот број во Дежурна амбуланта  078/482-657- се вели во соопштението од Клиничка болница-Штип. 

Инаку, претходно сите специјалистички амбуланти и Центри за кои пациентите добиваат упати преку системот „Мој термин“ беа преселени во просториите на поранешната модуларна болница.