Мурињо за овациите на навивачите на Бенфика за Престијани: Да бев на трибините, и јас ќе аплаудирав

Тренерот на Бенфика, Жозе Мурињо, рече дека Џанлука Престијани заслужено добил овации од навивачите кога влегол на теренот за време на победата од 4:1 над Мореиренсе во португалското првенство.

Дваесетгодишниот Аргентинец играше за прв пат откако УЕФА го суспендираше на шест натпревари поради неговите коментари за напаѓачот на Реал Мадрид, Винисиус Жуниор, за време на натпревар од Лигата на шампионите во февруари.

Мурињо го нагласи подобрениот настап на Престијани, наместо да го коментира инцидентот што доведе до суспензијата на неговиот играч.

– Во врска со казната, слушнав толку многу зборувања за неа кога игравме против Реал Мадрид, што сега чекам да ги прочитам и чујам коментарите на оние кои толку многу зборуваа за тоа тогаш. Љубопитен сум да ги знам нивните мислења. Затоа би сакал да не коментирам. Да бев на трибините, и јас би аплаудирал. Имаше добра сезона, заврши фантастична работа. Тој е огромно подобрен, тактички интелигентен играч кој знае како да се позиционира дефанзивно и ја разбира играта. Има свои квалитети, техника и способност еден на еден, но не беше подготвен кога пристигнав, а е развиен, поради што навивачите му аплаудираат и го ценат. Начинот на кој го пресретна високиот пас во шеснаесетникот што доведе до третиот гол – не сите крилни играчи можат да го направат тоа, изјави Мурињо за „ESPN“.

Престијани игра за Бенфика од јануари 2024 година. Во сезоната 2025/26, тој постигна три гола и имаше пет асистенции во 38 натпревари. 

Во ноември 2025 година, Престијани тој го имаше своето деби за репрезентацијата на Аргентина.