Алиу: Не комуницирам со Арбен Фетаи, тој не оди на работа ниту, пак, на седници на Влада

Вицепремиерот Арбен Фетаи не оди на работа ниту, пак, на седници на Владата, изјави во интертвју за „360 степени“ на МРТ 1 министерот за здравство Азир Алиу.

Тој во интервјуто потврди дека во последниот период не разговара со својот колега, вицепремиерот за политики за добро владеење и транспарентност, Арбен Фетаи, поради тоа што „тој не е тука“ и „не доаѓа на седници на Владата“, но рече дека неговото отсуство не се должи на здравствени проблеми.

На прашањето зошто не доаѓа на седниците на Владата, Алиу изјави дека не знае и оти не е информиран за причините.

Алиу истакна дека постоеле несогласувања на Арбен Фетаи во однос на политиките на ВРЕДИ и Владата, но оти тие биле решени во рамките на коалицијата и дека во политиката е потребно секој да внесе енергија, знаење и промени, а кога некој не се чувствува како дел од една група, тогаш легитимно е да се разделат.

На прашањето дали да се очекува смена на Фетаи во идната реконструкција на Владата, Алиу релче дека во моментот како ВРЕДИ работат на дефинирање на органограмот, сега веќе како политичка партија и сѐ уште не се стигнати до нивото на анализа на перформансите на директорите, замениците, министрите и перформансите во Владата во целина за секоја политичка партија, која е дел од ВРЕДИ.

Инаку, Арбен Фетаи и Азир Алиу се одвоија од крилото на Алијанса за Албанците на Арбен Таравари кога тој во мај 2025 г. реши да ја напушти власта. Фетаи остана вицепремиер, а Алиу го наследи Таравари на функцијата министер за здравство.