Сабаленка за „Битката на половите“ со Кирјос: Сакам да го ставам во незгодна позиција, но ако изгубам, се надевам дека нема да биде 0:6

Првата светска тенисерка Арина Сабаленка, ги сподели своите очекувања за „Битката на половите“ со Ник Кирјос.

– Само сакам да го играм мојот најдобар тенис и да го ставам во многу незгодна позиција, бидејќи тој секогаш ќе биде во губитничка ситуација. Ако тој победи девојка, сите ќе речат: Да, честитки, одлично. Ако изгуби, сите ќе бидат изненадени: О, Ник!

И ќе имам корист од тоа во секој случај. Ако можам да победам, тогаш ќе има за што да се зборува. Ако изгубам… па, само се надевам дека нема да биде 0:6. Сакам да го натерам да полуди на теренот. Целосно сум свесна за одговорноста за овој натпревар, која, до одреден степен, ја презедов сама. Затоа ќе го сфатам мечот сериозно, без шеги. Ќе играм најдобро што можам. Се надевам дека ќе можам да бидам на нивото на Били Џин и можеби ќе му помогнам на женскиот тенис да постигне подобри услови. Ќе биде одлично шоу. И мислам дека Ник е еден вид шоумен. Задоволна сум од мојот противник. Чувствувам дека ако требаше да играм против некој што е редовен на турнејата, немаше да имам многу шанси. Но, против Ник, мислам дека можам да се одржам, изјави Сабаленка.

Ревијалниот натпревар Сабаленка – Кирјос ќе се одржи на 28 декември во Дубаи.