Вести
Пријавени над 76 илјади граѓани за вакцинација против грип, вакцинирани се над 43 илјади
За вакцинација против сезонски грип за ризични категории население досега се пријавени над 76 илјади граѓани, а вакцинирани се повеќе од 43 илјади лица низ државата, соопшти Министерството за здравство.
– Заинтересираните граѓани сѐ уште имаат можност да се пријават за вакцинација против сезонски грип преку апликацијата vakcinacija.mk или преку својот матичен лекар. Превентивни тимови продолжуваат и со теренска вакцинација во домашни услови за повозрасни и неподвижни лица, како и за лица со попреченост, изјави министерот за здравство, Азир Алиу.
Исто така, е започната и вакцинацијата со комерцијалните вакцини во Центарот за јавно здравје Скопје, а во текот на неделата ќе отпочне вакцинација и во другите центри за јавно здравје низ државата.
Екипите на Центарот за јавно здравје – Скопје вршат вакцинација секој работен ден од 07:30 до 14:30 часот. Цената на комерцијалните вакцини изнесува 700 денари.
ноември 3, 2025
Јакимовски сè уште не: Богоев му честиташе на Лукровски за победата во Карпош
Сиљановска-Давкова за објавата на Фон дер Лајен: На средбата кај мене не стана збор ниту за топка, ниту за двор
Вучиќ: Во потрага сме по двајца снајперисти дојдени пред неколку денови во Белград, не знаеме кои им се целите
