Родик за Мастерсот во Саудиска Арабија: Организаторите ќе мора да им платат на играчите огромни такси само за да учествуваат

Поранешниот професионален тенисер и прв светски рекет, Енди Родик зборуваше за проблемите со кои очекува да се соочат организаторите на Мастерсот во Саудиска Арабија.

За разлика од сите Мастерс турнири, освен Монте Карло, турнирот нема да биде задолжителен.

– Организаторите на Мастерс турнирите не мора директно да им плаќаат на играчите бидејќи учеството на овие турнири е задолжително. Во суштина, со пријавувањето на распоредот на турнејата, тенисерите ги прифаќаат условите на организаторите. Тенисерите мора да ги почитуваат утврдените правила и да играате таму каде што се бара. Но, ако турнирот не е задолжителен, тогаш не се обврзани на учество. Ова значи дека ќе има такси само за учество. И овие такси ќе бидат огромни, бидејќи играчите во моментов се во силна позиција. Очигледно, Саудиска Арабија не би сакала да биде домаќин на Мастерс турнирот без Синнер, Алкараз и други ѕвезди, нели? – рече Родик во поткастот „Quick Served“.

За потсетување, десеттиот Мастерс во една сезона ќе влезе во натпреварувачкиот календар во 2028 година.