Фудбал
Покетино: Минатото нема да ни помогне
Новиот менаџер на Манчестер Јунајтед Маурисио Покетино своето деби на клупата на Манчестер Јунајтед ќе го има на најголемото дерби во англискиот фудбал против големиот ривал Ливерпул на Енфилд. Дуелот се игра во недела, а Покетино менаџерската улога ја презема во средата откако претходниот ден седеше на селекторската клупа на САД против Хаити.
За првиот предизвик на новото работно место Покетино оптимистички истакна:
– Доаѓаме со идеја да создадеме нешто од нула, од нашите сопствени идеи и филозофија. Станува збор за градење на нашиот сопствен пат тука. Минатото нема да помогне, рече Покетино.
Новиот менаџер на „црвените ѓаволи“ истакна дека веќе имал разговор со капитенот Бруно Фернандеш.
– Бруно е наш капитен и мислам дека е многу важен играч, но сите играчи треба да чувствуваат дека се важни, од врвот до дното или од дното до врвот, потенцираше новиот менаџер.
Манчестер Јунајтед се наоѓа на 18 место на табелата со осум бодови и само една победа во Премиер лигата. Натпреварот од 11. коло во Премиер лигата меѓу Ливерпул и Манчестер Јунајтед се игра во недела со почеток во 17:30 часот.
ноември 21, 2026


