Доменикали: Идните регулативи во Ф1 треба да обезбедат лесни болиди со чисто гориво и електрификација

Извршниот директор на Формула 1, Стефано Доменикали ги сподели своите размислувања за идните регулативи на шампионатот.

– Главната цел на идните регулативи е сè да остане што е можно поедноставно и да им се дадат на Формула 1 полесни болиди со чисто гориво и, секако, електрификација. Исто така, треба да ја зачуваме можноста возачите да го притискаат лимитот, како што тие го бараа тоа. Што се однесува до преостанатите технички детали, јас се препуштам на ФИА. Уверен сум дека до крајот на оваа година ќе имаме за што да разговараме, бидејќи во моментов има две опции. Ако почекаме до крајот на тековниот циклус во 2031 година, тогаш ништо нема да ја спречи ФИА да воведе целосно нови регулативи. Секако, ако тимовите сакаат да учествуваат според новите правила, нема да има никакви проблеми. Во спротивно, може да се појават тешкотии. Ако постигнеме консензус за тоа како да избегнеме несогласувања, тогаш ќе треба да работиме со тимовите и производителите за да ги пронајдеме соодветните механизми, истакна Доменикали.

Новите регулативи во трките од Формула 1 шампионатот треба да стапат на сила во 2031 година.