Комплетирано второто коло во ракометната Лига на шампионите

Со одигрувањето на шесте натпревари синоќа беше комплетирано второто коло од групите од ракометната Лига на шампионите. Во групата Б каде игра и македонскиот првак Вардар, полската екипа Висла постигна победа од 25:24 против бундеслигашот Мелсунген. Токму Висла во следното коло ќе гостува во Скопје.

Европскиот првак Барселона оствари минимален триумф од 28:27 на гостувањето кај француски Монпеље.

На другите дуели беа постигнати следниве резултати: Цеље – Алборг 26:26, Криенс – Магдебург 29:39, Порто – Партизан 32:28 и Скандерборг – Динамо Букурешт 25:25.

По два натпревара максимален учинок имаат шест екипи: Веспрем, Нант, Спортинг, Барселона, Магдебург и Киелце.

Дуелите од третото коло се играат на 7 и 8.октомври.