Поранешниот тренер на Синер, Пјати: Кога првпат го видов Јаник, веднаш го споредив со Ѓоковиќ

Рикардо Пјати зборуваше за работата со Јаник Синер. Италијанецот го тренираше светскиот број еден од неговите тинејџерски години до 2022 година.

– Моравме сè да изградиме од нула бидејќи беше физички мал – требаше да му дадеме време да се развива. Исто така, требаше да го разбере својот стил на играње, бидејќи играше многу малку. До 14-годишна возраст, тренираше три пати неделно. Нашиот пристап беше да работиме многу напорно на техниката и да се осигураме дека неговите удари од основната линија се што е можно почисти и подиректни, бидејќи кога првпат го видов, веднаш го споредив со Ноле. Тој стана репер. Работев со Ѓоковиќ една година кога имаше 17 години, ги имав сите видеа, а Синер беше многу сличен на него, изјави Пјати.

Дваесет и четиригодишниот Синер, е прв на АТП ранг-листата со 14.700 бодови.