Јужна Кореја и Франција ќе ги надградат врските во стратешко партнерство

Јужнокорејскиот претседател Ли Џе-мјунг и францускиот претседател Емануел Макрон се согласија да ги надградат билатералните врски меѓу земјите во „глобално стратешко партнерство“, соопшти јужнокорејското претседателство.

Макрон пристигна во Јужна Кореја вчера на дводневна официјална посета и ќе одржи состанок на високо ниво со својот јужнокорејски колега во Сеул подоцна денеска.

Ова е прва државна посета на француски претседател на Јужна Кореја од 2015 година, а француските претставници изјавија дека патувањето има за цел да ја зајакне стратешката и економската улога на Франција во регионот во време на „силни меѓународни и регионални тензии“.

Макрон планира да се сретне со извршни директори на водечки корејски компании за време на патувањето, бидејќи се стреми да го зголеми францускиот извоз во Јужна Кореја и да привлече корејски инвестиции во индустрискиот и технолошкиот сектор на Франција.

Во интервју за „Ле Фигаро“ пред самитот, претседателот Ли Џе-мјунг рече дека врските со Франција треба да одат подалеку од партнерството и да станат стремеж кон стратешка соработка што вклучува вештачка интелигенција и нуклеарна енергија, кои се клучни за иновациите.