Руските стратешки ракетни сили одржаа вежби во Сибир

Руските стратешки ракетни сили спроведоа воени вежби во Сибир, што вклучуваа таен трансфер на нуклеарни интерконтинентални балистички ракети Јарс, соопшти денеска Министерството за одбрана.

Војниците вежбаа низа активности, вклучително и употреба на камуфлажа и прикривање за маскирање на движењето на копнените ракети, соопшти Министерството.

Тие, исто така, вежбаа одговор на симулирани непријателски напади и спротивставување на оружје за воздушен напад. 

Министерството не информираше за лансирања на ракети.

Русија редовно одржува вежби на своите стратешки нуклеарни сили за да ја тестира нивната борбена готовност и да испрати предупредувачки сигнали до Западот во време на високи тензии со нивните противници од НАТО околу војната во Украина, наведуваат британските медиуми.