Американската војска планира повеќедневни напади врз Иран

Американската војска планира напади што ќе траат неколку дена, соопштија два извори запознаени со ситуацијата.

Претседателот на САД, Доналд Трамп, во видео објавено кратко по почетокот на нападот врз Иран изјави дека американските сили преземаат „масовна и одржлива операција“, нагласувајќи дека нападите биле насочени кон иранската војска.

Нападите на САД врз Иран се извршуваат од воздух и од море, изјави американски функционер.

Израелскиот министер за одбрана, Израел Кац, претходно изјави дека Израел започнал превентивен напад врз Иран за да ги елиминира заканите за безбедноста на земјата и дека е прогласена вонредна состојба низ целата земја.

Американски функционер денеска изјави за „Тајмс оф Израел“ дека САД учествувале во нападите утрово во Иран заедно со Израел.