Силуваната малолетничка од Липково, позајмувала пари, му ги давала на лицето кое ја силувал за да не објави компромитирачки материјали

Основното јавно обвинителство Куманово ќе поведе истражна постапка и ќе предложи мерка притвор за две лица осомничени за кривично дело – Полов напад и силување, а едното од нив и за кривично дело – Уцена.

Како што соопшти Обвинителството, првоосомничениот, спротивно на јасно изразена волја, извршил полови дејствија врз малолетна девојка од липковско и ја принудил на полови дејствија и со второосомничениот. Потоа, жртвата ја уценувал дека ќе објави нејзини експлицитни фотографии доколку не му исплати 20.000 евра.

Малолетната девојка, според обвинителството, била принудена да зема пари од дома без знаење на родителите и да позајмува од други лица, по што во повеќе наврати му ги давала парите на првоосомничениот.

Јавниот обвинител, ценејќи дека се исполнети законските основи, до судијата на претходна постапка при Основниот суд во Куманово доставил предлог за определување мерка притвор за двајцата осомничени, кои се веќе лишени од слобода.

Обвинителството информира дека продолжува со преземање на истражни дејствија и апелира за внимателно и етичко известување за настанот, како и за користење исклучиво на официјални извори, имајќи ја предвид потребата од заштита на малолетната жртва.