Велковски: Откочен процес на лиценцирање, лани рекордни вработувања во детската заштита

Во текот на 2025 година имаме рекорден број на вработувања во делот на детската заштита каде што повеќе од 800 огласи за воспитувачи, негуватели и останат кадар во детските градинки беше заменет, изјави попладнево заменик министерот за социјална политика, демографија и млади Ѓоко Велковски, одговарајќи на новинарско прашање.

– Во јули 2024 година кога ја презедовме Владата и Министерството, системот за лиценцирање беше закочен. Со поддршка на премиерот, Владата, Собранието, го откочивме процесот. Денеска од тие повеќе од 1.900 луѓе кои беа на листата на чекање повеќе од три четири години, од август 2025 година досега се лиценцирани повеќе од 900 вакви баратели, рече Велковски.

Продолжуваме со лиценцирање и издавање нови согласности за пополнување на бројот на вработувања во детските градинки, нагласи Велковски, кој заедно со премиерот Христијан Мицкоски присуствуваше на отворање на градинка во општина Сопиште.