Најмалку 38 повредени при уривање на таван во супермаркет во Јужна Кореја

Најмалку 38 лица се здобиле со полесни повреди кога дел од гипсениот таван се урнал во супермаркет во јужнокорејскиот град Тегу, соопштија денеска локалните противпожарни служби.

Девет лица се згрижени во болници, а екипите на итните служби на местото на настанот процениле дека е мала веројатноста некој да се здобил со потешки повреди. На објавените фотографии се гледаат спасувачи како го пребаруваат оштетениот дел од вториот кат на четирикатната зграда.

Од кабинетот на јужнокорејскиот претседател Ли Џе-мјунг соопштија дека тој им наложил на надлежните службеници да направат сè што е потребно за да ги спасат луѓето и темелно да одговорат на инцидентот.