Четворица астронаути се вратија на Земјата по осум месеци на МВС

Четворица астронаути се вратија на Земјата од Меѓународната вселенска станица во четвртокот, откако пред осум месеци итно мораа да се упатат таму за да заменат колега кој се разболел и неговиот екипаж.

SpaceX ги врати американските, француските и руските астронаути, кои слетаа во Тихиот Океан, крај брегот на Лос Анџелес.

Астронаутите на НАСА Џесика Меир и Џек Хатавеј, Французинката Софи Адено и Русинот Андреј Федјаев вчера ја напуштија вселенската станица, со нетрпение очекувајќи повторно да се сретнат со своите семејства по долгата разделба. Нивните замени пристигнаа три недели подоцна од планираното поради поправки на капсулата, што го одложи враќањето на овој екипаж дома.

„Многу сме возбудени што повторно сме на планетата Земја по неверојатната мисија на Меѓународната вселенска станица“, рече астронаутката Меир преку радио веднаш по слетувањето во океанот.

Додека сè уште биле во орбитата, таа изјавила дека екипажот имал „многу измешани, силни емоции“ и дека ќе им недостигаат „неверојатните глетки на нашата матична планета“.