Руска либерална политичарка осудена на четири години затвор за донирање на забранета организација

Елена Перепелица од руската либерална партија Јаблоко, која е против војната против Украина, осудена е на четири години во казнена колонија поради донација на екстремистичка организација.

Перепелица беше приведена во јули, осум дена откако заменик претседателот на Јаблоко, Максим Круглов беше осуден на седум години затвор за ширење лаги за руската армија.

Рускиот Врховен суд во август и забрани на Јаблоко да учествува на парламентарните избори, што се одржаа минатиот месец.

Јаблоко соопшти дека причината за кривичната постапка против Перепелица биле донациите што ги дала на Фондот за борба против корупцијата (ФБК), организација формирана од Алексеј Навални. ФБК е прогласена за терористичка организација во Русија.

Перепелица делумно ја признала својата вина. Според неа, таа префрлила средства, но тоа го сторила на сметка на организација која формално не била поврзана со ФБК. Таа тврди дека кога ја уплатила донацијата не знаела дека правното лице е прогласено за терористичка организација.

Перепелица има 60 години и е член на партијата Јаблоко од 2017 година.