Двајца кандидати за градоначалник на Делчево и шест листи за советници

За градоначалничката позиција во Делчево ќе се борат двајца кандидати, а ќе има и шест листи за советници.

Според Општинската изборна комисија, заклучно со крајниот рок се потврдени само кандидатурите на Иван Гоцевски од ВМРО-ДПМНЕ и на Дејан Глинџарски од СДСМ. 

Покрај кандидатите за градоначалник, граѓаните ќе имаат можност да гласаат и за советници во локалното собрание. До крајниот рок за пријавување, за членови на Советот на Општина Делчево освен ВМРО-ДПМНЕ и СДСМ, листи поднеле и партиите Левица, МААК, ЗНАМ и Единствена Македонија. Со ова, граѓаните на Делчево ќе имаат избор меѓу вкупно шест кандидатски листи за советници.

Партиите ги повикуваат гласачите активно да учествуваат во демократскиот процес и да го искористат своето право на глас.