Унгарската влада бара парламентот да го одобри Договорот со САД за нуклеарна соработка

Владата на Унгарија побара од парламентот да го изгласа Договорот со САД за нуклеарна соработка, што беше потпишан во февруари од поранешниот премиер Виктор Орбан.

Одлуката покажува дека премиерот Петер Маѓар ќе се придржува до нуклеарниот договор, кој е правно обврзувачки.

Договорот за цивилна нуклеарна соработка, исто така, опфаќа мали модуларни реактори и ја охрабрува Унгарија да ги избере американските нуклеарни технологии и компании како главни добавувачи за своите нови проекти.

Унгарија во ноември 2025 година потпиша договор за купување американско нуклеарно гориво и американска технологија за складирање на потрошено гориво во нуклеарна централа дизајнирана од Русија. Унгарија, исто така, размислува да го замени рускиот „Росатом“ како главен изведувач за проширувањето на нуклеарната централа Пакш и почна студија за алтернативни добавувачи.

Шефицата на унгарската дипломатија Анита Орбан денеска во Вашингтон ќе има средба со американскиот државен секретар Марко Рубио, на кој ќе бидат потпишани меморандуми за разбирање за соработка во енергетиката и спроведувањето на законот.