Ким Кардашијан доби едно евро оштета како жртва на вооружен грабеж кој се случил во хотелот „Де Пурталес“ во Париз, 2016 година

Ким Кардашијан доби едно евро оштета како жртва на вооружен грабеж кој се случил во хотелот „Де Пурталес“ во Париз, 2016 година, сума што самата ја побара, изјави нејзиниот адвокат. За инцидентот биле обвинети осум лица.

Освен Кардашијан, оштета зеле и поранешниот рецепционер на хотелот, од 109.516 евра, хотелот 50.000 евра, како и нејзината стилистка.

– Грабежот на накитот се случи на втори октомври 2016 година, за време на Париската недела на модата. Навистина доживеав голема траума, изјавил поранешниот рецепционер.

Кардашијан била нападната во својот апартман во хотелот во Париз, каде што двајца од крадците, облечени како полицајци, провалиле, ја врзале и ѝ украле накит во вредност од повеќе од шест милиони долари. Меѓу украдените предмети бил и дијамантски прстен што таа го носела за време ревија на „Живанши“.

Напаѓачите биле обвинети за повеќе кривични дела меѓу кои вооружен грабеж, киднапирање, учество во криминална група. Жалба за изречената пресуда не била доставена до Судот.