Макрон го отвори Меѓународниот самит за вселената во Париз

Претседателот на Франција, Емануел Макрон денеска го отвори Меѓународниот самит за вселената во Париз на кој присуствуваат претставници на Европската Унија и голем број државници.

Макрон посочи дека вселената им припаѓа на сите, но за нејзино користење потребни се договори во кои ќе биде вклучена меѓународната заедница, а не само неколку држави.

Вселенската транзиција е неверојатна. Франција може да се вклучи во новата генерација на вселенска моќ, посочи Макрон, додавајќи оти и Европа мора да биде „дел од трката“ во користењето на вселената.

Макрон наведе и дека вселената е област на потенцијална борба за доминација и поради тоа вселенските капацитети мора да се користат врз основа на прецизни договори, чие постигнување го најави и во областа на вселенската безбедност, во координација со Обединети нации.