Њунез: Полицијата се подготвува за нови протести што се најавени на 31 октомври

Француската влада очекува уште една „сложена“ сабота, 31 октомври, денот на мобилизација, на кој повика Движењето Жолти елеци, и поради тоа е планирана „екстремно силна“ безбедносна операција, најави денеска францускиот министер за внатрешни работи Лоран Нуњез.

Тој истакна дека стравува од нови немири по протестите од 17 и 24 октомври бидејќи тогаш се прославува Ноќта на вештерките, „која традиционално секогаш е помалку бурна“.

Очекуваме ситуацијата повторно да биде сложена и дека тоа ќе биде уште еден ден на голема мобилизација. Секако, ќе распоредиме исклучително силни безбедносни сили, посочи Њунез.

Жолтите елеци повикаа на уште едни протести на 31 октомври во „одбрана на јавните слободи“, додека големите синдикати повикаа на штрајкови и демонстрации на 5 ноември и во јавниот и во приватниот сектор.