Пулишиќ: Милан мора да ги започне натпреварите како што ги започна против Удинезе

Фудбалерот од средниот ред на Милан, Кристијан Пулишиќ, се осврна на победата од 2:0 над Удинезе синоќа на гости во 8. коло од италијанското првенство.

Пулишиќ го отвори резултатот во шестата минута од додавање на хрватскиот играч од средниот ред Лука Модриќ.

– Кога Модриќ ја има топката и нема многу време, мојата работа е да трчам во просторот и да бидам подготвен. Имав добар прв удар и постигнав гол. Мора да ги започнеме натпреварите како што ги започнавме денес, бидејќи има и други натпревари каде што ни треба малку време за да почнеме. Има многу лидери во тимот. Не сум од оние што зборуваат многу, но со толку многу повреди, сите играа навистина добро денес, изјави Пулишиќ за „DAZN“.

Милан со 18 бода е на 4. место на табелата во италијанското првенство.