НАСА: Мексико Сити тоне

Најновите сателитски снимки на НАСА покажуваат дека Мексико Сити тоне, велат научниците. Се проценува дека градот со 20 милиони луѓе тоне околу 15 сантиметри годишно.

Во неодамнешното соопштение на американската Национална воздухопловно-вселенска администрација, се наведено дека движењето на земјата во Мексико Сити го следи сателитот НИСАР („НАСА-ИСРО Синтетички отворен радар / NASA-ISRO Synthetic Aperture Radar“), лансиран во јули 2025 година. Според набљудувањата, главниот град на Мексико тоне поради влијанијата на подземните води и легнувањето на земјиштето. Феноменот е резултат на слегнување, што дополнително ја загрозува околната инфраструктура на патната и железничката мрежа, како и хроничната криза со водата во тоа подрачје.

Како и повеќето делови од средишна Флорида, на пр., Мексико Сити е изграден на надводен слој. Пумпањето на подземните води и тежината на урбаниот развој повеќе од еден век го притискаат прастарото езерско дно под градот. До 2000 година, делови од градот тонеле за околу 35 сантиметри годишно, се наведува.

Последните наоди на НАСА откриваат дека делови од таа област тонат за околу 1,3 см месечно.

Неколку генерации вселенски радари го следат движењето на земјата во Мексико Сити. Мисијата НИСАР сега ги унапредува тие напори, анализирајќи брзо променливи области коишто потешко се проучуваат од вселената. Новата анализа се заснова на мерењата од НИСАР направени меѓу октомври 2025. и јануари 2026 година, за време на сушната сезона во Мексико Сити.